તમારા બાળકોને માનસિક રીતે મજબૂત બનાવવા માંગતા હોવ તો અચૂક વાંચો…
કેટલીકવાર માતા પિતાની કેટલીક ભૂલો બાળકોની માનસિક શક્તિને નબળી પાડવાનું કામ કરે છે. બાળકોને માનસિક રીતે નબળા ન પડવા દેવા હોય તો માતા પિતાએ કેટલીક વસ્તુ પર ધ્યાન દેવાની જરૂર પડે છે.
તમારું બાળક જો માનસિક રીતે મજબૂત હશે, તો તેના માટે નવા પડકારોનો સ્વીકાર કરવો સરળ છે. તેઓ કોઈપણ મુશ્કેલી વિના નવા વાતાવરણમાં અનુકૂળ થઇ શકે છે અને દરેક પ્રકારની મુશ્કેલીઓને જાતે દૂર કરવાનો પ્રયાસ કરે છે. જો તેઓ આ પડકારોને પૂર્ણ કરવામાં નિષ્ફળ જાય તો પણ તેઓ આ પરાજયને સકારાત્મક રીતે લે છે અને આગામી પડકાર માટે પોતાને માનસિક રીતે તૈયાર કરે છે.
જો તમે બાળકો સાથે દલીલ કરવા માંગતા નથી અને દરેક વખતે તમે તેમને બોલતા અટકાવો છો, તો આ તમારો ખોટો અભિગમ હોઈ શકે છે. આમ કરવાથી, બાળકો ધીરે ધીરે એવી બાબતોને ધ્યાનમાં રાખવાનું શીખે છે, જે પાછળથી મુશ્કેલીનું કારણ બને છે. તેઓ એવી પરિસ્થિતિઓથી પોતાને બચાવવાનું શરૂ કરે છે જ્યાં તેઓ મુશ્કેલીમાં આવી શકે છે. એટલું જ નહીં તેઓ અંદરથી એકલતાનો શિકાર પણ બને છે.
કેટલાક માતા-પિતા તેમના બાળકોને દરેક વખતે જીતવા માટે જ સ્પર્ધાઓમાં ભાગ લેવડાવે છે અને જ્યારે તેઓ હારી જાય છે ત્યારે લોકો વચ્ચે તેમનું અપમાન કરવાનું શરૂ કરે છે. પરંતુ બાળકો માટે ક્યારેક હારવું પણ જરૂરી છે. જ્યારે તેઓ હારનો સામનો કરવાનું શીખે છે, ત્યારે તેઓ જીવનની ખરાબ પરિસ્થિતિઓમાં પણ યોગ્ય પગલાં લેવાનું શીખે છે. આ રીતે તેઓ માનસિક રીતે સખત બની જાય છે.
માતા અને પિતા બાળકો માટે રોલ મોડલ હોય છે, આવી સ્થિતિમાં જો તમે દરેક મુદ્દા પર સમસ્યાઓ વિશે વાત કરતા રહો અને દરેક સમયે તેમની સામે તમારી પરિસ્થિતિ વિશે ફરિયાદ કરતા રહો તો તે તેમને માનસિક રીતે નબળા બનાવવાનું પણ કામ કરે છે. બાળકો સામે આવી ભૂલ બિલકુલ ન કરો.
માતાપિતા ભૂલો થાય ત્યારે તે કામ છોડી દેવાની સલાહ આપે અથવા હારના ડરથી બાળકોએ કેવી રીતે જીતવું તે ન કહે તો તેની બાળકો પર નકારાત્મક અસર પડી શકે છે. આવી સ્થિતિમાં, માતાપિતાની જવાબદારી છે કે તેઓ તેમના બાળકોને બતાવે કે કેવી રીતે ડરને દૂર કરવો અને તેમને પ્રેરણા આપવી જોઈએ.
બાળકો પોતાની ભૂલોમાંથી ઝડપથી શીખે છે. આજ કારણ છે કે જો તમે બાળકોને ભૂલો કરતા અટકાવો છો, તો પછી તમે તેમના વિકાસમાં અવરોધ ઉભા કરો છો. માનસિક રીતે મજબૂત બનાવવા માટે, તમે બાળકોને ભૂલો કરવા દો, તેમને દુઃખી થવા દો, તેમને ગુસ્સે થવા દો અને પરિસ્થિતિને જાતે જ સંભાળવા કે તેનો સામનો કરવા દો.
